PM hlui John Major leh Tony Blair te chuan Brexit chungchangah inlungrualna a awm thei lo anih chuan mipuite ngaihdan lak nawn leh hi an rawt a, Prime Minister Theresa May-i erawh chuan hei hian an ram politics kalphung a ti chhe vek thei dawn nia sawiin, kal leh zel ngaihna awm lo khawpin thil a thleng palh thei a ni a ti.
Hapta liamta khan Brexit hi tlang zo dawna a lan loh avangin House of commons a\angin a hnuklet a, UK hian EU hi nakum march ni 29 ah chhuansan tawh tur a ni a, chutihlaiin a chhuahsan hnua EU ram dangte nena thawhho chhunzawm dan tur chungchangah ngaihdan inang tlang a la awm thei rih lo a. Brexit hi a taka kaltlangpui tur chuan UK leh European Union Parliament in a pawm ve ve a \ul a ni. Prime Minister hian Brexit chungchanga MP te vote thlak hun atan nakum kum tir ruahman a nih thu leh a tlai berah January ni 21 ah tal vote hi thlak a nih tur thu a sawi.
