Britain in European Union chhuahsan tura ruahmanna a siam, Brexit chu MP ten ni 5 chhung an sawiho hnuah vote an la dawn ta.

Prime Minister Theresa May-i’n ruahmanna a siamte hi MP tam takin an duh lo a, ama party MP te ngei zingah pawh thlawp lo tu an awm avangin a tlang zawh loh rinna a lian hle. Attorney General Geoffrey Cox chuan he ruahmanna sawihona debate hnuhnung ber chu kaihruaiin, a kharnaah Theresa May hian thu a sawi ang. Britain in European Union a chhuahsan huna sumdawnna kalpui zel dan tur te, Politics lama an hmalam hun turte chu an thu inchuh lian zual a ni a, conservative MP 100 rual vel leh Democratic Unionist Party MP 10 rualte chuan eptu party lam puiin Theressa May-i ruahmanna hi paihthlak an tum a ni.