British dan rorelna chanchin hriat theih china pawngsualtu rapthlak bera ngaih Indonesia mi Renhard Sinaga chu British Court in dam chhung tang turin a chungthu a rel.

0
169
views

Kum 36 mi Sinaga hi PhD zira turin kum 2007 khan Indonesia a\angin Manchester khawpuiah a lut a, mipa 48 lakah hursualna lam hawiin a che tih finfiah a ni a, police te chuan a pawngsual tawhte hi mi 190 chuang niin an hre thung. Sinaga hian intihhlimna hmun club leh a chhehvelah te a pawngsual turte hi lo changin, zu inpuiah emaw, chhuanlam dang siamin emaw a chenna pindan flat ah a hruai a, damdawia hrai ruiin nikhawhre loa an awm laiin a pawngsual \hin a ni.

Thawh\anni khan roreltute chuan Sinaga hi damchhung tang turin a chungthu an rel a ni.

Sinaga hi Manchester ah hian lehkhazira awm a ni a, degree pawh pali lai a nei tawh a, zan lamah erawh pawngsualtu rapthlak ber a ni thung.

A pawngsual hnuhnung ber hi rawlthar pakhat a ni a, nightclub a\anga boruak thianghlim hip tura a chhuak chu Sinaga hian a chenna flat-a lenglut turin a sawm a, ani pawh hi damdawiin a hrai rui leh a ni. He rawlthar hi a lo harh chhuahin Sinaga hian khawih a lo tum mek a, bei letin, Sinaga hi na taka kut a thlak hnuah a tlan chhuasan a, police te hnenah a thil tawn hi a thlen ta a ni. Police te hian a tirah rawlthar zawk hi mi kutthlak thubuai an siamsak nghe nghe a, Damdawi In-a Sinaga nungchang leh a mobile phone awmna a zawt zing lutuk chuan police te ngaih a ti \ha lo a, Police ten a mobile phone an en chian chuan Sinaga in he rawlthar a pawngsual lai thlalak hi an hmu chhuak ta a, mipa dang tam tak a lo pawngsual tawhte pawh thla a lo la vek tih a mobile phone dang a\angin police te chuan an hmu chhuak ta a ni. Khawvel huap pawha pawngsualtu rapthlak bera ngaih hi kum 2017 khan man a ni a, Thawh\anni khan Court chuan dam chhung lung in tang turin a chungthu a rel ta a ni.