British lawng sipaiten tuialhthei Syria-a phurh luh tur phurtu lawng Mediterranean peninsula bul Gibraltar-ah an man. He lawng hian Europe leh US remtihpuina bawhchhia-in tuialhthei thlitfim loh a phur nia rinhlelh a ni a, hei hian tun hnaia Persian Gulf-a khawthlang ram leh Tehran inkara inhmuhthiam lohna awm chu a chawh tho leh rin a ni.

0
403
views

Gibraltar thuneitute chuan British lawng sipaite puihnain lawng leh a bungraw phurhte chu manin an hreng a, he lawng hi tu ta nge tih erawh puanzar ni lo mahsela, Singapore company hminga Panama-a register a ni. Amaherawhchu, Europe leh US-in lawng hmanga insumdawntawnna a khap cho thawh nan Iran chuan Syria-ah tuialhthei chawkluh a tum nia rin a ni.

Hetihlai hian Iran chuan tuialhthei phur lawng Gibraltar-a dan a nih chungchangah Gibraltar thuneitute chu a dem tih sawiin Tehran-a British Ambassor, Robert Macaire chu he thil thleng chungchangah hian kovin an lungawiloh thu an hrilh a ni.