British Parliament pawna luh phal lohna chin bithliahah car pakhat a tlan luh avangin mi pahnih an hliam a, car khalhtu hi man a nih hnuah mifirfiakte dolet hna thawktu bik counter-terrorism police ten thu zawhfiah turin an la.

0
667
views

 

A sut hliam mi pahnihte hi an ngaihtuahawm lo ve ve a, thil thlen dan hi an la chhui chiang mek tih Police te chuan an sawi. Counter Terrorism Police hotute chuan he thil thlen chhan ni thei awm thil chi tin reng uluk taka an enfiah nghal thu a sawi a, car in luh phal loh chin inhungna bang a su lai hmutu chuan tih luih ni ngeia a hriat thu a sawi a, Westminster leihnuai rel station, parliament bul hnai maia mi chu mipui tlawh pawh theih loha khar nghal a ni. Nikum March thla khan kum 52 mi Khalid Masood chuan Westminster Bridge bulah mi pali a vithlum a, hemi hmalam hian parliament chhawng hnuai berah silai keng lo police officer a vit hlum bawk a, amah pawh a hmunah hian kah hlum nghal a lo ni tawh a ni.