Ni thum thang tura Middle East-a zin mek, British PM, Theresa May chuan Saudi Arabia ram a tlawh dawn a, Yemen-in UN puihna a dawn theih nan Saudi ram lal fapa, Crown Prince Mohammed bin Salman-a phalna a dil dawn nia sawi a ni. Saudi Arabia thuneihna hnuaia awm, Yemen ramah hian indona a thleng mek a, hei vang hian Yemen mipuite chuan harsatna nasa tak an tawk mek nia hriat a ni a, civil mi 10,000 chuang an thi tawh a, mi maktaduai thum velin an awmna hmun an chhuahsan tawh a ni. Pi May-i chuan Yemen mipuite tan hian chhawmdawlna pek ngei a tum thu leh, hei hi Saudi a thlen hunah pawh a thupui ber tur a ni dawn niin a sawi.
Chanchin Thar British PM, Theresa May-in Saudi Arabia tlawh dawn
