British sumdawng lianten Brexit chungchang aia politician te anmahni inbeitawna an buai zawk chu an sawisel a, ruahmanna felfai tak neih vat a ngai a ni an ti.

0
633
views

UK hian EU a chhuahsan hmain ni 100 awrh a la nei a, hetihlaia ruahmanna siamfel lam aia Politician te an inbeitawn khawtlai chu pawi an tih thu an sawi a, Cabinet chuan inremna awm loa EU chhuahsan dan tur an dap leh mek a, hei hi sumdawng pawlte chuan an tan thil \ha lo tak a ni dawn niin an sawi thung.

Sumdawng intelkhawm pawl hrang hrang British Chambers of Commerce, the Confederation of British Industry, manufacturers’ organisation, EEF, the Federation of Small Businesses leh Institute of Directors te chuan thuchhuah in\awm siamin, sumdawnna lama an tana thil pawimawhte ngaihtuah hmasa lova politician te an inbei tawn khawtlai chuan a barakhaih hle tih an sawi.