Bru hruaitute, sorkar laipui, Mizoram sorkar leh Tripura sorkar aiawhte ruahmanna lo siam tawh angin tun thla ni 14 atang khian Tripura Bru Relief Camp-a awm te Mizoramah laklet tum an ni dawn.

0
638
views

Bru te laklet dan tur hi vawiinkhan Home Minister, Pu R. Lalzirliana hovin a pisaah sawiho a ni. He sawihonaah hian Principal Secretary Home, Pu Lalnunmawia Chuaungo leh Officer pawimawh dangte an tel a, ruahmanna engkim tluang taka kalpui theihna turin thil tihdan tur sawihona tun thla ni 9, Ningani khian Damcherra-ah Bru hruaitute leh Tripura sorkar aiawhte nen neih ni se tih a ni a, hetah hian Mizoram sorkar aiawhtute chu Principal Secretary Home, Pu Lalnunmawia Chuaungovin a ho dawn a ni. He meeting neih turah hian Bru Camp hrang hrang 6-a Mizoram mi tun hmalama lo enfiah tawhte tun thla ni 14 a\anga laklet \an dan tur Bru hruaitute leh Tripura sorkar aiawhte nen inberawna ruahman a ni ang. He meeting neih turah hian Mizoram Bru laklet tur te laklet an nih dan tur leh heta tana ruahmanna siam te inhrilhfiah a ni ang. ZONET zawhna chhangin Home Minister, Pu R. Lalzirliana chuan Bru hruaitute, sorkar laipui aiawhte, Mizoram sorkar aiawhte leh Tripura sorkar aiawhten kumin July ni 3-a New Delhi-a ruahmanna an lo siam tawh chu Mizoram sorkar chuan \ha takin hlen chhuah a tum dawn niin a sawi a, Bru hruaitute lam a\angin emaw, pawl \henkhat a\angin emaw he ruahmanna siam hi tih sukuk tum zawnga thiltih a awm pawhin Mizoram sorkar leh sorkar laipui chuan ruahmanna lo siam tawh hi kaltlangpuia, \ha taka hlen chhuah a tum dawn niin a sawi a ni. Zawhna dang chhangin Home Minister chuan Tripura-a Bru Relief Camp 6 a\anga Mizoram mite laklet tur chungchangah hian tun thla ni 8, Nilainiah Political Party hrang hrang leh tlawmngai pawl hrang hrangte biakrawn tum an ni tih a sawi a, he meeting hi Chief Secretary Conference Hall-ah chawhma dar 11-ah neih a ni dawn niin a sawi a, heta tel tur hian party hrang hrang hruaitute leh tlawmngai pawl hrang hrang hruaitute chu sawm mek niin a sawi a ni.