Thla hmasa khan Brunei-ah hian dan thar kalpui a ni a, he dan hnuaiah hian uirena leh mipa leh mipa inngaihna chu lung a den hlum theih a ni a, rukru te chu kut emaw ke emaw tan sak-a hremna pek theih an ni bawk. Ramdang sorkar, mihring dikna chanvo humhalhtu leh United Nations te chuan heng dan te hi mihring dikna rahbehna a ni tiin an dem thu an puang a, lemchan thiam George Clooney kaihhruaina hnuaiah milar te’n Brunei hminga awm hotel te pawh an ensan a ni.
Pathianni tlai khan Brunei Sultan Hassanal Bolkiah chuan thi tura chungthu rel theihna chu hnuhlet lailawk a nih thu sawiin, heng dan te hi ramchhunga ralmuanna leh inlungrualna a thlen theih nana siam an nih thu a sawi a, amaherawhchu he dan dodaltute chuan sharia dan hnuaiah hian tianga vuak, kut leh ke in tansak leh lung ina inkhunga hremna inpek a theih tho dawn niin an sawi thung a, sharia dan hrim hrim hi sut turin an phut a ni.
Brunei mipui chuan uirena leh mipa leh mipa inngaihna lunga denhlumna dan kenkawh a ni dawn lo chu thil lawmawm a nih rualin heng dante hi paih lova a la nung reng anih chuan mahni anpui kawp te leh Muslim sakhua ni lo te chu thlei hran an ni chhunzawm zel ang tiin dan hi paih a ngai tih an sawi.
