Hemi chungchangah hian Thenzawl Police Station-ah FIR thehluh a ni a, Police ten School rawktu man tumin an chhui zui mek a ni. Headmaster Pu Lalramnghakmawia sawidanin school rawktu hian Headmaster office kawngkhar kalhna Tala lian chu chhu chhiain, Headmaster Room leh Teacher Room bakah eisiamna hmunah te a lut a, Gas Cylinder 2, Gas Stove, chair 11, cooker pakhat, dekchi 1 leh office bungraw tenau engemawzat, parda 5, thingpui no, school dar leh sahbon te thlengin a la a ni.
Kanghmun South RMSA Secondary School hi khaw dai, kawngpui bul maia awm a ni a, hnuhma an hnut chhiah a\anga a lan danin school gate bul kawngpui sirah hian truck ke hniak chiang takin a lang a, he truck-a chuangte hian zanlai ruahsur han hnu velah school hi an rawk nia rin a nih thu Thenzawla Zonet Reporter chuan a sawi.
