Budget thutkhawm thawh hnihnaah ro rel thei lo

Vawiin khan Parliament-ah Budget thutkhawm thawh hnihna tan a ni a, eptu pawl ten Punjab National Bank kaltlanga sum tihchingpen chungchanga an lungawiloh thu an aupui avang leh Telugu Desam Party-in Andhra Pradesh duhsak an phut vangin Lok Sabha-ah chuan rorel theih a ni lo a, inkhawm tihtawp a ni. Eptu lam party hrang hrang-te chuan PNB sum tihchingpen chungchang leh a mawhphurtu ber, Nirav Modi-a awmna chin hriat theih loh chungchangah PM Narendra Modi-a’n thu a sawi an phut thu aupuiin, Speaker dawhkan bulah an pungkhawm a, ro a rel theih tak loh avangin, Speaker Sumitra Mahajan chuan inkhawm hi a titawp ta a ni. Inkhawm tihbuai kar lakah hian Speaker chuan Nagaland inthlana tling ta, Neiphu Rio-a’n Lok Sabha member a nihna atanga ban a dilna chu pawm a nih thu a puang a ni.