US California ram kang thelh mih a la ni lo a, California-a ram a kan nasat ber tum a ni tawh. Ram kang hi a ziaawm deuh beisei a ni na-in, tunkar chho velah ruah tlem te chauh a tlak avangin, boruak a lumin ram a ro hle a, hei vang hian ram a kang nasa lehzual hle tih thuneitute chuan an sawi a, tun dinhmunah, California chhim lamah ram acre 282,000-a zau a kan tawh thu leh kangmei za zela 92 vel chu an thunun tawh niin thuneitute chuan an sawi bawk a ni. Puan tawh angin ram kang hian in 1000 vel a tichhia a, nikum December ni 14 khan kangthelh pawl mi pakhat leh civil mi pahnih an lo thi tawh bawk a, kangmei chhuak vanga boruak-a meivap leng a nasat em avangin, pawna awm tam lo turin thenawm ram mipuite pawh hriattir an ni a, hei hi California ram boruak a la bawlhhlawh ber tum a ni tih thuneitute hian an sawi bawk a ni.
Chanchin Thar California ram kang la thelh mit thei lo
