Hemi hmalam hian Japan Prime Minister Shinzo Abe chuan loh theih lohna vangin Olympic hun tur chu sawn a ngai mai thei tih a lo sawi tawh a ni.
Hetihlai hian khawvel ram 170 chuanga Coronavirus a len mek avangin New Zealand chuan \ul bik thilte tiam lovin inkharkhip a tum a, Australia pawhin pub, club, gym leh Biak In te pawh a lo khar tawh bawk.
UK-ah chuan mi 5,683 kai an awm tawh a, mi 281 an thi tawh a ni. National Health Sevice Health Secretary chuan mipuite chu pawn chhuak lova ina inkhung tur leh NHS-a thawktute venghim turin a chah a, sorkar chuan mipuite chu \ul lova zin chhuak lo turin a chah bawk a ni.
Hong Kong hruaitu, Carrie Lam chuan ram pawn a\anga Hong Kong tlawh tumte zawng zawng ni 14 chhung a dang dawn tih a puang a, hei hi naktip, Nilaini a\anga hman \an tur a ni.
Hetihlai hian Iran President, Hassan Rouhani chuan US hruaitute chu mi dawheh an ni a ti a, Iran \anpui an duh chuan tuialhthei an thawn chhuah tur an dan te, banking transaction an tihtawp sak te chu hlip turin a ti a, hengte hi an hlih chuan Coronavirus dona kawngah Iran-in chak takin hma a la thei dawn a ni a ti.
Iran-ah hian mi 1,700 vel Covid-19 vangin an thi tawh a, mi 21,000 chuang vei an awm tawh bawk.
Facebook CEO Mark Zuckerberg-a’n US health workers te tan hmaituamna 7,20,000 Facebook-in a hlan tih a sawi.
