Canada PM-in Mumbai lo thleng

0
1090
views

Canada PM, Justin Trudeau chuan nizan khan Mumbai khawpui a lo thleng a, vawiin khan he khawpuia Taj Mahal hotel-ah company lian hotute nen an inkawm. Trudeau kawmtute zingah hian Tata Sons hotupa, N Chandrasekharan, Aditya Birla Group chairman, Kumar Mangalam Birla leh Shapoorji Pallonji Group board member, Cyrus Mistry-te pawh an tel a, hmeichhe sumdawng lian-te pawh a kawm bakah, India-Canada Business Forum-ah hun a hmang bawk a ni. Trudeau hian Maharashtra CM, Devendra Fadnavis pawh vawiin khan a hmuh beisei a ni a, Bollywood lemchan thiam-te nen tlai lamah hun an hman ho beisei a ni bawk a, naktuk hian Punjab a pan dawn a, Punjab CM, Captain Amarinder Singh-a’n Amritsar khawpuiah a lo mikhual ang. Puan tawh angin Trudeau nena mimal taka inkawm a chak tawh thu Amarinder Singh hian a lo sawi tawh thin a, Amritsar khawpui fanpui a tum bakah, Sikh temple ropui ber te zing ami, Harmandir Sahib, Golden Temple chu tlawh pui a tum thute pawh a lo sawi tawh a ni. Punjab leh Canada-te hi inlaichinna nghet tak nei an ni a, Canada-a India mi cheng tam zawk khu Sikh an ni a, Punjab atanga pem emaw, Punjab mi thlah kal zel an ni hlawm a, Canada House of Commons-ah pawh, Punjabi 18 lai, MP an awm mek a ni.