Canada Prime Minister Justin Trudeau a’n Indopui pahnihna in\an dawn ni hnih-a Germany rama cheng Juda mi, Canada humhimna diltute hnawl an nih thuah ngaihdam a dil.

0
453
views

 

Ngaihdam a dil thu hi an ram parliament ah a sawi a, kum 1939 May ni 15 khan Lawnglian pakhat, MS St Louis tia a hming vuah chuan Germany chhuahsanin he lawngl lianah hian Germany-a cheng Juda mi 907 zet an chuang a, Germani-a Nazi te hlauin ram danga tlan chhiat an tum a ni.

Heng Juda mite hi Cuba-a an luh phalsak an nih loh hnuah US leh Canada te pawhin an lo hnar leh a, loh theih lovin Europe ah bawk an let leh ta a, concentration camp hrang hrangah thawn darh an ni ta a, an zinga 254 zet chu rawng taka suat zui an ni ta a ni.

Hemi chungchang hi Justin Trudeau chuan Parliament ah hian sawi chhuakin, kum tam tak liam tawh mahse, Canada thil tih dan zahthlak tak chu sawi nep theih a la ni lo tih sawiin Canada chuan Juda mi te chungah ngaihdam a dil a ni a ti.