Canada Prime Minister, Justin Trudeau leh a nupui Sophie ten Covid-19 an vei tih finfiah a ni a, ni 14 chhung an inkhung hrang ang.

0
56
views

Trudeau hian Covid-19 taksaa a lanchhuah dan a taksaah hmuh ni lo mah se, pawn chhuak lovin in a\angin hna a thawk dawn a ni.

China-ah chuan mi 8 chauh hri leng kai thar an awm tawh a, Brazil President, Jair Bolsonaro chu a kaihhruai mi pakhatin Covid-19 a vei avangin hri leng hi a kai ve leh ve loh enfiah mek a ni.

Australia home affairs minister, Peter Dutton pawn he hri leng mek hi a kai tih finfiah a ni tawh a, hetihlai hian Arsenal Manager, Mikel Arteta leh Chelsea player Callum Hudson-Odoi ten pawn he hri hi an kai tih finfiah a ni bawk.

Singapore chuan Europe a\anga an rama lut tur te an rama luh a khap a, Italy-ah chuan he hri hi mi 1,000 dawnin an thihpui tawh a ni.

UK prime minister, Boris Johnson-a chief scientific adviser, Sir Patrick Vallance chuan UK chu covid-19 vei tam lamah kar li chhung Italy dawtah an awm tawh tih a sawi.