Police te chuan, Channel Islands, Uk leh France a\angin helicopter leh life-boat te hmangin, Sala-a leh mi pakhat dang chuanna thlawhna hi an sawng a, Channel Islands leh a chhehvel te an dap a, kilometre 3,000 bial fang kuala darkar 15 chhung an zawn lai hian tuiah hian thil lang an hmu nual a, thlawhna keh them a nih leh nih loh an la fiah thei lo a, thlawhna-a chuang te hnuhma engmah an hmu zo lo a ni. Thlawhna hi tuiah a tla anih chuan an damchhuah a beiseiawm lo hle a ni tih an sawi.
Sala-a hian Nantes tan, tun season khan goal 12 a khung a, Cardiff nen hian kum 3 leh a chanve atan contract a ziak a, Nantes a\angin Wales a pan mek laiin a chuanna thlawhna hi chin hriat lovin a awm ta a ni. Emiliano Sala-a hian bo hma lawk hian a \hiante audio message thawnin a hlauhthawn thu a hrilh a ni.
