Spain ram bung khat, zalenna neih tuma bei mek, Catalonia mipuiten vawiin khan vote an thlak a, hei hi an bial dinhmun kal zel atana thil pawimawh tak a ni a, thla hnih kal ta khan he bialin Spain ram a\anga zalen an tumna chu a lo hlawhchham tawh a ni. Spain ram hmar chhak bial, bial hausa taka mipuite zingah hian Spain rama tel zui zel la duh leh, zalen duh an inzat titih nia ngaih a ni a, zalenna duhtu lam hruaitu \henkhat chu lung inah khung nual an ni a, sorkar remtih loh chunga zalenna atana vote lakna an buatsaih avangin, he biala company 3,000 chuang zet chuan he bial hi an chhuahsan tawh a, hei vang hian tun hma ang chuan an hausa thei tawh dawn lova ngaih a ni. Catalan President paih thlak tak, Carles Puigdemont chu Belgium ramah a tlanchhia a, a thachhang dawltu, Oriol Junqueras erawh chu Spain ramah man a ni.
Chanchin Thar Catalonia-ah vote thlak
