Catalonia mipuiten Spain ram atanga zalen an duh tih vote hmangin lantir

Spain ram bung khat, zalenna neih tuma bei mek, Catalonia mipuite chuan Spain ram a\anga zalen an duh thu, an vote hmangin an lantir leh ta a, Spain sorkar nen an buai zui leh rin a ni. Zalen duh pawl hruaitu, Carles Puigdemont-a chuan mipuite duh thlanna lo lang chu Spain sorkar tana tlawmna niin a sawi a, man hlaua a tlanchhiatna, Brussels-ah he thu hi sawiin, Catalan ram thar pianna tur niin a sawi bawk. Catalonia Regional Parliament inthlannaah hian zalen duh pawl \angrual hi a hma ai chuan an chak lo ta deuh zawk na a, a tam ber an la ni a, Spain sorkar hnuaia thuneihna engemaw chen neia awm zel la duh pawl, Citizens party chu party lian ber a la ni tho a ni. Catalonia bialin zalenna chungchanga October thlaa mipui ngaihdan lakna an buatsaih avang khan Spain sorkar hian a thuneihna hmangin inthlan buatsaihna tur thup>k hi a siam a, PM, Mariano Rajoy chuan he inthlanna hi buaina chin felna tur a nih beisei mah se, politics buaina hi a reh dawn lo tih a chiang ta a, Rajoy-a te pawl, Popular Party phei chu he inthlanah hian an che \ha lo hle a ni. Spain ram hmar chhak bial, bial hausa taka mipuite zingah hian Spain rama tel zui zel la duh leh, zalen duh an inzat titih nia ngaih a ni a, zalenna duhtu lam hruaitu \henkhat chu lung inah khung nual an ni a, sorkar remtih loh chunga zalenna atana vote lakna an buatsaih avangin, he biala company 3,000 chuang zet chuan he bial hi an chhuahsan tawh a, hei vang hian tun hma ang chuan an hausa thei tawh dawn lova ngaih a ni. Catalan President paih thlak tak, Carles Puigdemont chu Belgium ramah a tlanchhia a, a thachhang dawltu, Oriol Junqueras erawh chu Spain ramah man a ni.