Catalonia President-in Spain sorkar-ah lehkha thawn, zalenna puan leh puan loh la chiang lo

0
299
views

Spain rama Catalonia bial President, Carles Puigdemont chuan Spain sorkar hnenah lehkha thawn tawh mah se, Spain ram laka zalenna a puang nge puang lo tih a chiang lo nia hriat a ni a, Spain sorkar chuan vawiin ral hma ngeia insawifiah turin Catalonia bial President hi a lo hrilh tawh a, a nih loh chuan he bial hi a thuneihna chhuhsakin a awp dawn tih a sawi a ni. Catalan hruaitu hian thla hnih chhunga Spain ram hruaitute nena inbiak a duh thu a sawi nia hriat a ni a, kar hmasa lamah khan Puigdemont hian zalenna a puang a, a hnuah a s<t leh a ni. Spain Justice Minister, Rafael Catalá chuan Puigdemont-a’n Spain sorkar lehkha a chhan dan chu a pawm theih loh niin a sawi a, Spain sorkar hian Ningani thleng, insawifiahna hun a p>k leh rin a ni. Tun thla ni 1 khan Catalonia bial hian mipui ngaihdan la-in, Spain ram a\anga indan an duh thu an puang a, Spain ram Constitutional Court chuan hei hi a hnawl a, mipui zaa 43 chauhin vote an thlak b^kah, mipui ngaihdan lak nana vote thlaknaah khan tharum thawhna te pawh a chhuak nia sawi a ni.