CBI chhungkaw buaina avanga a hotulu ber Alok Verma chawlh la lak luih tir anih chungchang ngaihtuahin Supreme Court in hapta hnih chhunga inquiry zo fel turin sorkar a hriattir.

0
375
views

 

Court chuan a aiawh tura ruat lailawk, M Nageswar Rao chuan policy kaihhnawihah thutlukna thar engmah a siam rih tur a ni lo a ti bawk a, Rao hi CBI inrelbawlna enkawltu satliah, administrative head a ni rih ang tih Chief Justice of India Ranjan Gogoi kaihhruai Supreme Court Bench chuan a sawi. Hei bakah hian CBI hotulu chungchang chhuina, Central Vigilance Commission in a kalpui tur chu Supreme Court Judge hlui in a vil reng dawn bawk a, he thubuai hi court chuan november ni 12 ah a ngaihtuah nawn leh ang.

CBI hotu lu ber dawttu Rakesh Asthana chungchangah erawh Supreme Court hian thutlukna engmah a siam rih lo a, ani pawh hian sorkarin chawlh a lak lui tir thuah sorkar thil tih dan chu a sawisel a ni.

CBI hotulu Verma hian a hnuai chiah ami, Rakesh Asthana chu thamna laa puhin a lakah thubuai a siam a, an inkara buaina hi a sosan chhoh zel avangin Sorkar chuan Verma hi chawlh a lak luihtir ta a ni.