CBI hotu lian pahnih Director Alok Verma leh Special Director Rakesh Asthana te vantlang hriat turin an inbei nasa hle.

0
371
views

 

CBI hian an hotu ber dawttu, Special Director Rakesh Asthana lakah thamna sum lak thubuai a ziak lut a, Asthana hian an hotu ber, Director Alok Verma puhna \hahnem tak sorkar laipui-ah a lo thehlut ve tawh bawk a ni. CBI thubuai thehluh hi Asthana-a’n thubuai titawp tura thamna sum mi a dil vang nia sawi a ni a, Hyderabad-a sumdawng, dik lo taka sum peipunga puh, Satish Sana chuan a thubuai tihtawpna atan thamna sum cheng vbc 5 pe tura tih a nih thu a sawi a, Asthana hian thamna dil tur hian banker Manoj Prasad a hmang niin a sawi bawk a ni. Manoj Prasad kar kalta thawhlehni khan he thamna sum hi Dubai-ah a dawng niin CBI chuan a lo sawi tawh a, tunah hian hren mek a ni a, man a nih hnu lawk hian Prasad-a unaupa leh Asthana te an inbiak thu leh an chhui chian mek thu an sawi bawk a ni.

Asthana hian August thla lam khan CBI hotu ber, Alok Verma zawk hi thamna latu niin sorkar laipui a lo hriattir ve tawh bawk a, Satish Sana pawh hi thu an zawhfiahna-ah Verma hi thamna a pe ngei tih a puang niin a lo sawi tawh bawk a ni.