CBI hotu lu ber Alok Verma-a’n a hnuai chiaha awm, Rakesh Asthana-te thamna laa an inpuh tawnna thubuai kal zelah, Asthana chuan thamna petu nen an inhmu nia sawi hun lai hian ramchhungah a awm lo niin a sawi.

0
517
views

 

Puan tawh angin CBI hotu pahnih-te hi sumdawng lian, Satish Sana hnen a\anga thamna laah an inpuh tawn a, an pahnih hian Chief Vigilance Commission chuan a chhui mek a ni. Asthana chuan Satish Sana-a’n kum 2017 December ni 2 leh ni 13 inkara inhmu anga a sawi chu thudik lo a nih thu leh hetih hunlai hian Vijay Mallya thubuai chungchangah London-a a awm thu a sawi a, hemi hnua a pisaa an inhmu anga sawi pawh chu thudik lo a nih thu a sawi bawk a ni.

Satish Sana hian nikum December ni 2 khan Dubai khawpuiah Somesh Prasad leh Manoj Prasad te unau a hmuh thu leh Asthana thlalak an entir hnuah, cheng vbc 5 thamna a pek chuan thubuai danga inhnamhnawiha puh a nihnaah thu zawhfiah a nih loh tur thu an hrilh niin a lo sawi tawh a, he thlalak hi a hnua a zir chian leh hnuah, Asthana thlalak a ni tih a hriat chhuah leh thu leh Dubai khawpuiah hian cheng vbc 1 a pek thu leh a hnu kum 2017 December ni 13 khan cheng vbc 1.95 a pek belh thu te leh December ni 15 leh 16 khan Asthana hi a pisa-ah a hmu turin Prasad te unau hian an hruai niin a sawi bawk a, heng zawng zawng hi Asthana-a’n thamna a la ngei a ni tih finfiahna atan Alok Verma leh a thurualpui te chuan an hmang bawk a ni.

NDTV chuan Asthana hun hman dan an zirchian hnuah, kum 2017 December ni 3 leh ni 15 inkar khan London-ah a awm ngei niin an tarlang ve bawk a ni.