CBI hotulu ber dawttu Rakesh Asthana hnena thamna petu nia insawi, Hyderabad sumdawnglian Satish Sana chuan venhimna pe turin Supreme Court a ngen.

0
461
views

 

CBI ten thu zawhfiah tura an koh tak avangin Satish Sana hian Court ah hian venhimna a dil a, CBI te hnena a sawi danin Satish Sana hian Rakesh Asthana hnenah hian thamna cheng vbc 2 a pe a, pawisa hi thla 10 chhunga pek nia sawiin, nikum December thla a\ang khan a tahtawlin a pe niin a sawi. CBI te hnena a thusawi behchhan hian CBI chuan Rakesh Asthana lakah hian FIR an ziaklut a, CBI chhungkuain a buai phah zui nasa ta hle a, Director Alok Verma leh Asthana te hi eiruknaa inhnamhnawihah an in puh tawn chho ta a ni.

He buaina avang hian CBI hotu lawk pahnihte hi sorkar chuan chawlh a lakluih tir ve ve a, M Nageswar Rao chu CBI hotu lailawk ni tura ruat a ni. Supreme Court chuan Verma laka enquiry lak hna chu hapta hnih chhunga zofel tura a hriattir bakah Supreme Court Judge hlui chu a vilzui turin a ruat a ni.