CBI chuan he thubuai chhui anih dan kimchang Charge sheet thehluh hnuah Chidambaram leh a fapa Karti Chidambaram te chuan ram danga an bank account te an khar ngei tih finfiahna thar an nei tih an sawi a, Chidambaram-a te pafa hi december ni 18 ral hma chuan man an nih lohna turin thupek siam a lo ni tawh a, CBI hian he thubuaia inhmahnawih dang mi panga te man an nih theihna turin hapta hnih dang hun an la mawh belh tih an sawi bawk.
Finance Minister hlui Chidambaram, congress party hruaitu pawimawh hi Aircel-Maxis thubuaiah hian a langsar ber a ni a, Enfocement Directorate in an thil chhuina court-a an thehluhah pawh an pafa hming hi ziahlan a ni. Kum 73 mi Chidambaram hi finance minister a nih anga a thuneihna diklo taka hmangah puh a ni.
