Larsap chuan Central Agriculture University, Imphal thuneitute ten hmarchhak state hrang hranga an zirlaite tana intawhkhawmna hun a siam chu inpumkhatna atana hmalakna \angkai tak a ni a ti a, zirna bakah mipuitling leh khua leh tui \ha ni turin zirlaite chu chher an ngai a, India ram chu hnam hrangte chen hona hmun a nih angin hmasawna kawngah pawh inlungrualna nena penho a pawimawh a ni, a ti.
CAU, Imphal Vice Chancellor, Dr. M. Premjit Singh, pawhin hmarchhak bial chhunga Agriculture & Allied Sector a hmalak chhoh tum dan te a sawi a. Sorkar Laipui hmathlir zula hmalakna kal zelah India hmarchhak bial te chu ‘Green Revolution Vawihnihna’ thlenna hmun atan buatsaih mek a ni a ti a. Organic Farming ngaih pawimawh bik niin Mizoram chhung bikah chuan kuthnathawktuten ram zau tak an neih theih loh avangin sumchang thlai zingah pawh a man to deuh chi Sawhthing leh a dangte chin uar a pawimawh a ni, a ti.
5th CAU inter- Collegiate Youth Festival hawnna inkhawm hi CV&AH, Selesih Dean, Dr. Lalnuntluangi Hmar in a kaihruai a. Festival-ah hian College 12 atanga kalkhawm zirlai 350 chuang te chu Indoor discipline hrang hrangah an intihsiak dawn a ni.
