Central-in Rohingya raltlan chungchangah Supreme Court inrawlh lo se a duh

0
572
views

Sorkar laipui chuan Rohingya raltlante chungchangin ram ven himna thil, nasa taka a nghawng theih dawn avangin, Supreme Court inrawlh lo se a duh thu a sawi. Puan tawh angin Rohingya Muslim raltlan pahnih chuan, an rama tihduhdahna an tawh avangin, sorkar laipuiin thawn l>t a tum chu mihring dikna leh chanvo zah lohna nia sawiin, sut leh turin Court sang ber-ah hian ngenna an thehlut a, sorkar laipui chuan Rohingya Nuslim raltlan zingah hian kal firfiak tak takte pawh an awm nia sawiin, ram chhung hmun hrang hranga Buddhist-te tan pawh an hlauhawm theih avang leh ram dan kalha thil, dan lo-a pawisa inpuktirte leh Pakistan-a muslim mi firfiak pawl \henkhatte nen pawh inzawmna nei nia hriat an nih avangin, thawn kir ngei an ngai tih a sawi thung a ni. Rohingya mite thawn let chungchangah hian UNHCR hotu, Zeid Ra’ad Al Hussein chuan na takin India a lo sawisel tawh a, hei pawh hi sorkar laipui chuan India tihhmingchhiat tumna leh venhimna kawnga India palzut tumna niin a lo sawi tawh a ni.