Central YMA chuan Tripura Bru Relief Camp-a Mizoram mi vote nei, Mizorama let duh lo te Mizoram Electoral Roll a\anga paih dan tur chungchang vawiin khan an ngaihtuah.

0
491
views

Hemi chungchang hi Central YMA Executive Committee Meeting vawiina Central YMA Office-a an President, Pu Vanlalruata kaihhruaiah sawiho a ni a, heng mite hi sorkar laipui leh Mizoram sorkarin Mizorama an let theihna tura ruahmanna \um tam tak a siamsak hnua let duh lo an nih avangin Mizoram Electoral Roll-a an awm reng lohna turin YMA-in hma la se an ti a ni. Hemi bakah hian tun thla ni 28 leh March ni 1-a Aizawla Chapchar Kut hman tur boruak \ha leh muanawm tak hnuaia mitinin an hman theih nan heng ni hnihah te hian Mizoram sorkar chu dry day puang turin ngen nise an ti a, Kut hmanna tur ni hnih chhung hian Lammuala lut tur reng reng chuan zu leh ruihtheihthil dang engmah keng lut lo se tih a ni a, gate-a duty ten khauh takin he khapna hi an kengkawh dawn a ni.