Central YMA hnuaia kumpuan Committee leh All Mizoram Cement and Iron Rod Dealer Association hruaituten vawiin khan dik leh thianghlim zawka sumdawnna kalpui dan tur an sawi ho.

0
324
views

 

He inkawm hona Tuikhuahtlanga SRS Office-a neih hi Kumpuan Committee Secretary, Pu HF Lalrinpuia’n a kaihruai a, dan dik lo thil tih tum leh mahni hlawkna hmuh duh vanga hnamdang thurualpui tum tan Mizoramah hmun a awm lo nia sawiin, ram leh hnam hmangaih intite chu dik leh thianghlim taka thil ti \hin turin a chah a. Mizo zinga hnamdang thurualpui \hinte chu remchangah lain sumdawnna dik lo tih nan leh ILP thlenga dik lo taka an neih theih phah chu Central YMA-in \ha a ti lo a, hetiang ti \hinte chu sim turin an ngen tih a sawi.

All Mizoram Cement and Iron Rod Dealer Association hruaitute chuan, tunah hian Aizawl bikah Cement leh Rod zuar mi 129 awm zinga 38 chauh chu Mizo an ni tih an sawi a. Hnam dang sumdawng zinga a tam zawk chu dan dik lova thil ti\hin an nih thu leh Sorkar-ah chhiah pawh an chawi ngai loh avangin a man tlawma thil an zawrh theih \hin thu an sawi a. Heng mite hian bukna dik lo hman an chin avangin mipuite pawh fimkhur se an duh thu a sawi. Kar kalta zirtawpni khan Central YMA hnuaia Kumpuan Committee chuan Aizawl khawpui chhung hmun \henkhata Irod Rod zuarte bukna dik leh dik lo a enfiah a, an enfiah zinga dawr tam zawk chuan bukna dik lo an hmang tih hmuhchhuah a nih avangin chung mite chu bukna dik hmang tura hriattir an ni a. heng bukna dik lo hmangte thil tih dan chu an enzui tur thu Kumpuan Committee hruaitute chuan an sawi a ni.