Central YMA Vice President, Kumpuan Committee Chiarman nibawk, Pu R. Lalngheta sawi danin, ningani khan Bethlehem vengthlang YMA-ten ruihhlo ti \hin mipakhat, Lalhmingmawia an man a, SRS kuta hlan a nih hnua a inpuanna a\angin Hnam dang \henkhat nen motor an ru \hin tih hriat chhuah a ni a. An man zan pawh hian motor ruk tuma ruahmanna an siam thu hriat niin, hei hi bawhzuiin motor ruk hmangte chu man tuma chan nghal ni mah se an relhru hman a. An awmna chin an chhui zuina a\angin Khamrang lamah an awm tih an hre leh a, Kawnpui Police leh Khamrang YMA an pun hnuah heng mite hi ningani zan dar 9 vel khan Khamrangah an man ta a ni. Motor ruk ching an mante hi Nurul Hoque Majumder, kum 32 Silchar, Sakib Addinbor Bhuya, kum 30 Silchar, Hussain Ahmed Lasker, kum 25 Silchar, Samim Ahmed, kum 20 Karimganj, Abdul Nanan, kum 25 Karimganj leh Biju Sharma, kum 33 Cachar lam mi an ni. Heng mite inpuanna a\ang hian an motor ruk sa lo lei chhawn sak \hintu Durtlang Leitan Zotui veng mi Zoremmawia kum 40, Horticulture Department-a Driver hnathawk lai pawh YMA Duty-te hian an man tawh a. Zoremmawia hian mi dang motor ruk sa lo hralh chhawn hi kum 2017 a\ang khan a ti \an tawh niin a sawi a, heng motor-te hi chanchinbu-ah a zuar a, a lei duhte hnenah a hralh mai \hin avangin tute hnenah nge a hralh chhawn tih a hre vek seng tawh lo niin a sawi a ni. Pu R. Lalngheta chuan, Zoremmawia kut a\ang hian chahbi bawr, lirthei tam tak mil an man nghal tih sawiin, motor an ruk \hin dan chu ruahmanna fel tak hnuaia kalpui a ni tih a lang chiang hle a ni, a ti a. Motor ruk sa Chasis number leh Engine number lo thlak sak \hin pawh an awm tih hriat tawh niin, amah pawh an hriat tawh thu leh man tuma hmalak mek a nih thu te, heng motor ruk chingte hian ni khat thil thu maia Registration Number an thlak thei nghal \hinte chu thil \ha lo tak a ni tih sawiin, heng thil hrang hranga thil dik tawk lo awmte chu chhui chian vek tum a nih thu a sawi.
An mi mante kut a\ang hian motor 5 hmulet tawh a ni a, chungte chu – 207 Truck 2, SK Tipper 1, LPK Tipper 1 leh Pulsar Bike 1 an ni a. A bak chu hmun hrang hrangah an lo hralh tawh hlawm avangin hmuh let theih ala ni rih lo a. Motor an hmuh let zinga pakhat chu a neitu hriat chhuah tawh niin, a dang zawng chu a neitu zawn mek a ni.
