Central YMA hruaitute leh sorkar aiawhten Arunachal Pradesh-in Trading Regulation, 2009 zir chiang dawn

0
452
views

Central YMA hruaitute leh sorkar aiawhte chu Arunachal Pradesh-in Trading Regulation, 2009 an neih zir chiang turin an thang mek. Kumina YMA Rorel Inkhawm-in, Mizoramin Trading regulation \ha leh changtlung zawk a neih theih nan Central YMA-in hma la rawh se a lo tih angin, Mizoram sorkar leh Central YMA aiawhte hi Thawhlehni kal ta khan Arunachal Pradesh dan hman lai zir chiang turin an kal a. Law & Judicial Dept. Jt. Secretary, Pu Zahmingthanga Ralte-in a ho a ni. Anni hian Arunachal Pradesh sorkar-a Home, Law & Judiciary leh Trade & Commerce Secretary, Pu CS Meena, Trade & Commerce Dy. Director leh Asst. Drector leh Taxation Department Asst. Commissioner an kawm tawh a, Arunachal Pradesh hian an Trading License hman mekah hian a ram leilung fate chauhvin sumdawn phalna an dil thei a, Trading License hi hnam dang mi an la pe lo a. Hetiang dan hi Mizoramah pawh hman harsa lo tur nia an ngaih thu an sawi a ni. Mizoram aiawha kalte hi All Arunachal Pradesh Students’ Union (AAPSU) leh NESO hruaitute nen pawh an inkawm a, Chakma chungchanga thawh ho zel dan tur pawh an sawiho bawk a ni.