Central YMA-in kumin November ni 28-a Mizoramin Assembly inthlanpui a hmachhawn turah Political Party hrang hrangte chu chibing emaw sakhaw tih bik lam emaw hawi zawnga Candidate siam lo turin a ngen.

0
545
views

 

Vawiina inthlan thuchah a tihchhuahah Central YMA chuan, ram rorelna chu mipui siam a ni a, a chhiat a \hata mawhphurtu chu mipuite an nih avangin Mizoram khua leh tui dik takte chu vote thlak \heuh turin a ngen a, Zo hnahthlak zingah chibing emaw kohhran bil emaw inthliarna awm zawnga chet lakna chu Central YMA chuan \ha a ti lo tih an sawi. Political Party hrang hrang leh Candidate te chu khawtlang huapa ruai siam lo turin an ngen a, aurinna hman chungchangah pawh Sorkar-in a phal dan ang bak leh khawtlang tana ninawm leh hnawksak tura ti lo tur te-in an ngen a. Candidate te chu ram hruaitu tur an nih avangin ruihhlo ti \hin te, eiruk chingte leh nungchang inthlahdahte chu vote lo ngam turin mipui an ngen a, inthlan kaihhnawiah naupang kum tling lo leh thil kalphung hre pha lote hmanrua a tan hmang lo tur te, Party Manifesto-ah a taka tihhlawhtlin theih ngei tur chauh tarlan tur te, inthlanna muanawm, boruak \ha tak hnuaia neih a nih theih nan mipuite leh mawhphurtu zawng zawngte chu theihtawp chhuaha \an la turin an ngen a, hmanraw thianghlim lo reng reng chelek lo tur te, mi tinin an chhia leh \ha hriatna thiang leh zalen tak hmanga vote an thlak theih nan leh sum leh therh lo dang hmanga vote lei leh hralh lo tur te, pawl leh kohhran pawhin Party leh Candidate-te hnena sum leh therhlo dang dil lo tur leh Social Media hrang hrangah thubelhchian dawl lo leh thehdarh lo turin mipuite an ngen a. Central YMA-in inthlan thuchah a siam chu ngai pawimawh a, zawm ngei turin Mizoram mipui leh Political Party tinte a ngen a ni.