He thawhhona thuthlung hi nimin khan Tuikhuahtlanga Central YMA Pisa-ah ziah a ni a, hetah hian Central YMA aiawhin President, Pu Vanlalruata leh General Secretary, Tv. Lalhmachhuana’n hming an ziak a, IMA Mizoram State Branch aiawhin President, Dr. Rosangluaia leh Honorary Secy., Dr. Chawnglungmuana’n hming an ziak a ni. Central YMA chuan Mizo mipui zingah dam kim lo an tam tih hriain, sualna chi hrang hrang leh zu leh ruihhlo ngawlveinain \halaite a tibuai a, \halai zinga thi an tam hle a. Hetihrual hian nau piang an tlem tial tial thung chu \ha lo an tih avangin hemi kawngah hian hmalak a \ul niin a hria a, heng kawng hrang hrang sualna leh zu leh ruihhlo vanga thihna a lo tlem theih nan IMA Mizoram State Branch thawhpuia a sawm angin, ‘Mizote hi kan pungin kan hrisel tur a ni’ tih hmangin thawh hona thuthlung hi siam a ni ta a ni.
He thawhhona hi kum 2 chhung atan siam phawt a ni a, hei hi a \ul anga pawhsei zel pawh theih a ni. He thawh hona thuthlung ang hian IMA Mizoram State Branch chuan vawiin khan Sakawrtuichhuna |awng\ai Bethel Camping Center-a awmte tan Health Check-up an buatsaih nghal a ni.
