Vawiin-a NGO Co-Ordination Commitee Meeting hian MP inthlan lo awm turah Election buaipuitute leh Sawrkar lamin Tripura Transit Camp-a awm Tukukte tana Kanhmun-a Special Polling Booth siam mek chu an duh loh thu an sawi a, Tuikuk te hian Mizoram Electoral Roll-a an chuanna Polling Station \heuhah vote thlak se tih chu an thil phut dinglai a nih thu sawiin, an thil phut nawr nan hian karleh Thawh\anni April ni 8 a\ang khian tiamchin awm lovin Mizoram pumah Total Bandh huaihawt an rel a ni.
Hetih lai hian Sipai phurh khawm nan leh Election Duty atana Commercial Vehicle leh mimal lirthei Election buaipuitu ten an man khawm pawh che chhuak tawh lo turin an ngen bawk a. Election kaihhnawih atana hman remti lo turin lirthei neitute an ngen a ni.
Tuikuk awmtha duh lo vawi tam tak Mizorama let tura tih pawha let duhlo te avangin Mizo mipui leh Mizoram Sorrkarin harsatna a tawk zing tawh lutuk nia sawiin NGO Co-Ordination Committee chuan pawi an tih thu an sawi a, Mizo mipuite \angruala Bandh huaihawt an tum chu thlawp turin an ngen a ni.
Kum 2014 Lok Sabha inthlanpui neih dawn khan Tripura Camp-a awm Tuikuk te hi Postal Ballot hmanga vote thlak tir an ni a, hemi duh lohna leh Bru vote-te cancel phutin NGO Coordination Commitee chuan kum 2014 April 7 khan darkar 72 chhung awh tur total bandh an huaihawt a, Election Commission of India leh Mizoram sorkar intiamnaah NGO-te hi an lungawi theih avangin a tuk chawhnu ah Bandh hi tihtawp a ni.
Khami \um khan Election Commission of India chuan Mizoram Tuikuk, Mizoram pawna awmte chuan Mizoram inthlanah Mizoram chhung ngeia vote an thlak theih nan ruahmanna siam a intiam a, Tuikuk Mizoram mi leh sa dik tak, Tripura transit camp-a awm mekte chu inthlan zawhfel hnu May 16, 2014 a\anga chhiara thla thum chhungin Mizorama lak let Mizoram sorkarin a tum ang tih leh Tuikuk, Mizoram mi leh sa dik tak, koh kir leh an nih pawha lo kir leh duh lote chu Mizoram Electoral Roll a\anga paih an nih theih nan Mizoram sorkarin hma a la ang tih te khami \uma an inremnaah khan a tel a ni.
Total Bandh huaihawt tum chungchang NGO Coordination Committee hruaitute nena sawihona hi zanin dar 8 a\angin Zonet Zawlbuk-ah Live-a tih chhuah a ni ang.
