Central YMA rorelna sang CEC in Mizoram electoral roll a\anga an hming paih tura hmalak a tum mek laiin, Tripura Bru Relief Camp 6-a awm Tuikuk te zinga Mizoram Electoral Roll-a inthun thar diltu mi 2,612 te dilna chu vawiin khan Kanhmunah hearing neiin ngaihtuahsak an ni.

0
258
views

He Hearing-ah hian Mamit Sub Hqrs. YMA hruaitute bakah Kolasib Sub Hqrs. YMA hruaitute leh Langkaih Group YMA hruaitute an tel a ni. Hearing hi Kanhmuna Hall pahnihah neih a ni a, hengah te hian Mamit District Assembly bial pathum, Lunglei District-a bial pathum leh Kolasib Disitrict-a bial pathuama Electoral Roll-a inthun thar diltute dilna Assistant Electoral Regisration Officer (AERO) ten an ngaihtuah a, Bru Relief Camp a\anga Electorol Roll-a inthun thar diltute hi Mizoram Bru Displaced People Forum President, Pu Sawibunga, Vice President, Pu Laldawngliana leh hruaitu dangten an \awiawm a ni. Kumin January ni 1-a kum 18 tling chin te laa Mizoram Electoral Roll ennawnna neih hnuhnun bera vote nei zat tun thla ni 22-a tarlan takah khan Mizoram pumah vote nei 7,84,405 an awm a, Electoral Roll hi inthlanna neih tura chuh tumte hming pek luh theihna ni hnuhnung ber thlenga ennawn zui theih a nih tak avangin tunah hian a \ul dan angin Mizoram Electoral Roll hi ennawn zui zel a ni a, Tripura Bru Camp-a vote nei thar thun duh leh an awm chuan vote nei zat hi a la pung dawn a ni.