Central Young Lai Association (CYLA) Playground, Lawngtlai-a phullem phah thar chu vawiin khan Sports & Youth Services Minister Pu Zodintluanga’n a hawng.

0
536
views

 

Phullem, Synthetic Artificial Football Turf hi Ministry of Youth Affairs & Sports – Khelo India Scheme hnuaiah cheng nuai 450 senga phah a ni a. Nikum May ni 26 khan thawk \anin thla hlui khan zawhfel a ni a, phullem phah zau zawng hi a dung metre 110 leh a vang metre 74 a ni a, phullem phah tur siamtu company hi FIFA in a pawm company a ni am Phullem phah thar hi CYLA kutah neitu nihna Minister hian a hlan nghal a ni.

Hawnna thu sawiin Sports Minister chuan naupan laia a nih dan tur dik taka zirtir an nih chuan mizo naupangten talent \ha tak an nei a, naupang talent inthup bo mai turte haichhuah saka a bulthum a\anga chher chhoh chu sorkarin a ngaipawimawh a ni a ti. Sports Minister chuan naupang zawng zawng zirna kawngah an hlawhtling vek thei dawn lo a, infiamna lamah pawh an hlawhtling vek dawn chuang lo a, an hriselna atan te, mahni invawnna \ha an neih theih nan te sports lamah naupangte tel tam tir a \ul a ni a ti.

Aizawlah khelmual \ha siam a nih a\anga kum rei a liam hmain India ram football inelna lian zawng zawng, ISL tih lohah Mizoram chu a Champion vek a, Mizo \halaite India ram football Club lianah an inhung vek tawh a, kum khata cheng nuai 80 chuang la lutte pawh an awm mek a, Mizo Footballer ten kum tin cheng vaibelchhe 15 chuang an lalut mek a ni tih Minister chuan a sawi bawk.

Phullem phah thar hawnnaah hian Minister Pu C Ngunlianchuanga leh Pu H. Zothangliana MLA leh Lai Autonomous District Council (LADC) Chief Executive Member Pu T. Zakunga te pawhin thu an sawi a ni.