Chakma Autonomous District Council \hiah phutin Mizoram pumah vawiin khan Central YMA huaihawtin kawngzawh a ni.

0
404
views

 

Aizawlah chuan Chanmari leh Sikulpuikawn a\angin kawng hi zawh \an a ni a, kawngzawhtute hi Vanapa Hall kawtah an intawkkhawm a ni. Kawngzawh pah hian CADC \hiah ni rawh se tih te, Chakma foreigner-te Mizoram a\angin chhuak rawh se tih leh CADC awmna chu Mizoram a ni ti te-in an aurual a ni.

Kawngzawh tawpna Vanapa Hall kawta inkhawmah Central YMA President, Pu Vanlalruata chuan CADC \hiah chu thil awlai lo tak nimahse mithiam leh dan hre mite rawn chungin YMA chuan hma a la zel niin a sawi a, he Autonomous District Council siam a nih chungchanga lehkha pawimawhte zawng chhuak turin Parliament House Library leh Mizoram Assembly Library te chu lepse-in an lehkha hmuh theih ang angte an lakhawm niin a sawi a, kawngzawh pawh a ngai ta hial tih sawiin Mizoram chhung ngeia CADC siamna bialah Mizoten in hmun, Biak In leh in luah tur an hmu thei ta lo chu na a tih thu a sawi.

Pu Vanlalruata chuan thlan chauh tlaa hma an lak lai hian sorkar laipui leh Mizoram sorkarin an thilphut chu lo hriatsak se a duh tih a sawi.

Mi \henkhatin CADC chu dan lova din a nih na a awm em ni tia an sawi \hin chungchang chu sawifiahin Pu Vanlalruata chuan, CADC a pian theih nan dan awmsa chu an duh ang angin khatihlaia thuneitute khan an her rem mai niin a sawi a, CADC \hiah a nih theih nana hma an lakna chu an hnungtawlh san dawn lo tih a sawi bawk.

Aizawl Chhim lam a\anga kawngzawh \an hmaa Sikulpuikawna inkhawmah thusawiin Central YMA Vice President, Pu R. Lalngheta chuan, CADC \hiah a nih theihna atana Mizo mipuiin kawng an zawh chu Political Party ten ham\hat tum nan hmang lo se a duh thu a sawi a, hun kal tawhah tumahin CADC \hiat turin hma an lak loh avangin tuna harsatna hi thleng ta nia sawiin he thil hi ham\hat lak tumna chi a ni lo niin a sawi. Pu R Lalngheta chuan Chakma te chu British in Mizoram a awp laia puakphur atana an hman, chhiah pawh chawi an nih thu a sawi a, tunah erawh Mizoram chu an ta emaw tia Mizote chhiah an chawi let tir ta leh Biak In leh in hmun nei thei lo tur hiala hma an la ta chu an hriatthiam loh thu a sawi a, Mizoram chu Mizo te ta a ni a, Chakma ten inchi khat pawh ram an nei loh avangin Bangladesh a\anga Chakma rawn lutte pawhin rang takin Mizoram chhuahsan se a duhthu a sawi a ni.

Hemi hnu hian Central YMA hruaitute hian CADC \hiah a nih theih nan atana hmalak sak tura ngenna Mizoram Governor hnenah lehkha an thehlut nghal a ni.

Chanmari kawn a kawngzawh \an hmaa Central YMA Treasurer, Pu Lalrochuanga Pachuau kaihhruaia inkhawmah thusawiin MZP Gen. Hqrs President, L. Ramdinliana Renthlei chuan Mizo \halaiten Chakma MLA leh Minister neih an ning tawh a, Chakma Minister par\hi awrh tir pawh an ning tawh takzet niin a sawi a, Political party hrang hrangte pawh candidate-ah Chakma dah lo se tih chu NGO Co-Ordination Committee duhdan a la ni reng tih sawi. MZP President chuan Chakma chungchanga NGO-te hmalakna chu political party tan hlawkna tel tumna chi a ni lo niin a sawi a, Mizo \halaiten Mizoram chhunga Chakma awm tam zawkte hi ramdang a\anga dan lova lo lut an ni tih an hriat nawn a ngai tih a sawi a ni.