Chakma leh Tuikuk zirlaiin Tribal Scholarship dil nia sawi chungchangah MSU-in FIR thehlut

0
593
views

Chakma leh Tuikuk zirlai engemaw zatin dan kalhin Tribal Scholarship an dil nia sawi chungchangah vawiin khan MSU General Headquarters-in Bawngkawn Police Station-ah FIR an thehlut a. FIR-a an ziah danin MSU chuan, kumina Tribal Scholarship diltu zingah zirna ina inziak lo, Chakma leh Tuikuk zirlai nia inchhal eng emaw zatin lehkha lem hmangin Tribal Scholarship hi an dil tih an hriat thu leh, heng mite avang hian Mizo zirlaite tan harsatna a thleng thei tih an hriat avangin heng thil dik lo titute chu a rang thei ang bera chhui chhuak tur leh an phu tawka hrem an nih theih nana bawhzui turin Police-te an ngen a, FIR hi an pawl Vice President, Benjamin Lalnghaka Fanai hmingin an thehlut a ni.

MSU hruaitute chuan, lehkha phuahchawp hmanga Scholarship diltute hian an dilnaah Aadhaar number leh Bank Account number an dah vek avangin thil dik lo titute chu chhui chhuah an harsat loh an rin thu leh, heng mite man chhuak tur hian zirna in hrang hranga thawktute leh Mizoram Scholarship Board-in \an an la nghal chu lawmawm an tih thu an sawi a. Tuikuk leh Chakma, dan lova Scholarship diltute hian Mizo mipuite an zah lo hlea an hriat thu leh dan lova sum lak luh duhna khawp rilru an pu chu MSU chuan a dem thu te, heng mite hi man chhuaka dan anga hrem an nih theih nan MSU chuan a bawhzui zel tur thute an sawi a ni.