Chalfilh bialtu MLA, Dr. Ngurdingliana chuan vawiin leh nimin khan a bial chhunga khaw 24 tan oxygen cylinder bur 62 a sem.

0
552
views

A thil sem hi Rs. 6,19,000/- man a tling a ni. A semna inkhawm hi Sesawng leh Dilkhan khuaah neih a ni a, heng khuaah te hian khaw hrang hrang YMA hruaitu mi 2 \heuh kohkhawma an dawn tur oxygen cylinder pek an ni a, heng mite hnenah hian damlo mamawhten oxygen an hman dan tur mithiamten an zirtir nghal a ni. Inkhawma thusawiin Dr. Ngurdingliana chuan Chalfilh bial tana a thil ngaihpawimawh hmasakte chu inkalpawhna kawng \ha, zirna leh hriselna niin a sawi a, Chalfilh bial chhunga khaw hrang hrang panna kawngte chu kum 2019 kum tawp lamah chuan blacktop zawh hman a beiseiawm niin a sawi a, tun hmalama hmar thimpui zangkhaw bungbut hnan tia an sawi \hin khuate chu tunah chuan an harsatna thui tak sutkiansak an ni tawh niin a sawi a ni.