Chalfilh bialtu MLA, Dr. Ngurdingliana chuan nimin khan NEC sum Rs. 3,91,00,000/- senga Phuaibuang khaw tui in tur pekna a hawng. Phuaibuang Water Supply Scheme hawnna inkhawm hi Champhai Watsan Circle Superintending Engineer, Pu Lalrammawia’n a kaihruai a, hetah hian thu sawiin Dr. Ngurdingliana chuan tuna chuan hmar thimpui zângkhaw bungbut hnan tih thinah hmasawnna hna tam tak thawh mek niin a sawi a, zirna kawngah te, mihringte hriselna atan leh inkalpawhna kawng siamah te Chalfilh bial chuan chak takin hma a sawn niin a sawi a, hmasawnna hna thawhna tura sum hmuh ang angte dik taka hman a tul thu a sawi bawk. Dr. Ngurdingliana hi PHE Department officer-te leh Party hruaituten an tawiawm a ni. Hemi hnu hian Dr. Ngurdingliana hian Phuaibuang Community Hall Rs.16,00,000/- seng tura sak mêk leh Public Play Ground Rs.14,00,000/- seng tura laih mêk chu a hmunah a tlawh a ni.
