Champhai District-a Khawbung Branch YMA-in an khua leh Biate inkar kawng hnatlangin siam

0
661
views

Champhai District-a Khawbung Branch YMA chuan an khua leh Biate inkar kawng chu nimin a\ang khan hnatlangin an siam \ha a, Khawbunga ZONET palai sawi danin, hnatlanga thawk chhuak hi mi 150 vel an ni a, mimal JCB 2, Tipper 3, Pick Up 2 leh lirthei dang engemawzat an thawh chhuahpui a, Khawbung leh Tuipui inkar, km 10 vel huam chhunga kawng khuar chhe zual lai chu an hnawh a ni. He kawng hi kum 20 kal ta vela laih ni mah se, alkatra luan a la nih loh avangin fur chhungin a khuar chhe hman hle \hin a, nuam zawk leh awlsam zawka zin veivakte an kal theih nan Branch YMA chuan hnatlang a ko ta a ni. Hnatlangte hman atan hian bialtu MLA, Pu T. Sangkunga chuan Rs.10,000/- a pe a, Tlawva Hydel Project siamtu, Executive Engineer, Pu Lalrinkima, PWD Executive Engineer, Pu Vanlaldika, Khawbung BDO, Pu Lalbiakfela leh mi \hahnemngai engemawzatin pawisa an thawh bawk a ni. Khawbung Branch YMA President, Pu H. Lalniliana chuan YMA-in kawng siam \ha tura hnatlang a koh chhan chu sawrkar emaw, kawng siamtu Department emaw tihhmingchhiat tumna ni lovin he kawnga kal khualzinte nuam zawk leh him zawka an kal theihna tur leh lirthei neituten tlo zawka an lirthei an hmanna tur niin a sawi.