Champhai District-ah Krismas leh Kum thar boruak \ha awm theih nan District Bawrhsap hoin thu rel

0
562
views

Champhai khawpui leh District chhung hmun danga Krismas leh Kum thar boruak \ha leh muanawm tak hnuaia hman theih nan vawiin khan Dist. Bawrhsap, Pu Vanlalngaihsaka kaihhruaiin hnathawh tur rel ho a ni a, Champhai khawpui chhunga YMA Branch hrang hrang 25 chu kum danga tih dan ang bawkin anmahni Branch huam chhung \heuha duty tura ngen an ni a, Excise & Narcotics Deptt. pawh ruihhlo do tur leh dap chhuak tura beihpui thlak tura ngen an ni a, lirtheia chetsualna thlen lohna turin Police te pawh ngaihhna thiamna nei lova, khauh taka lirthei kal dan keng kawh tura ngen an ni a, Home Deptt. thuchhuah bawhzuiin halpuah, halmawi leh silai lem, a mu kap chhuak thei ang chi reng reng kawl, zawrh leh hman khap turin Police te chu ngen an ni bawk. Hunpui pahnih – Krismas leh Kum thar lawm chhunga tui leh eng tam tawk neih theih nan PHE, Power & Electricity Deptt. leh PWD te chu \an la tura ngen an ni a, awlsam zawka mipuite krismas ch^k la an veivah theih nan Darthangvunga Point a\anga Selluaia Point thleng, tun ni 18 a\anga ni 23 thleng leh ni 29 leh 30-ah te lirthei dah phal loh ni se an ti bawk a ni. Bawrhsap chuan boruak \ha leh muanawm tak hnuaia Krismas leh Kum thar hman a nih theih nan hengte hi thlawp tur leh sawrkar thawhpui turin mipuite a ngen a ni.