Champhai District Sanitation Task Force thu khawm

0
527
views

Champhai District Sanitation Task Force chu an Chairman, Dist. Bawrhsap, Pu Vanlalngaihsaka hovin nimin khan DC Conference Hall-ah an \hu khawm a, faina kawnga ram chhunga khawpui lian zualten \an an lak chhunzawm zel dan tur leh Champhai District-a khawpui vawnfai chhunzawm zel dan tur sawiho a ni. He \hutkhawmnaah hian Housing and Urban Affairs Ministry bul tuma ram pum huapa khawpui thlan chhuah 4,041 te, Swachh Survekshan hnuaia vawn fai zel tur a nih thu tarlan a ni a, chung zingah chuan Mizorama khawpui 23 a tel thu te, Champhai District-ah chuan khawpui 4 – Champhai, Khawzawl, Khawhai leh Biate an tel thu te, heng khuate hi sorkar laipuiin tehna hrang hrang a siam hmanga vawn fai zui zel dan tur te an sawiho a ni. Bawrhsap chuan kum 2018-ah Swachh Survekshan chu hlawhtling taka chhunzawm a nih theih nan Nodal Officer te leh mipuite chu \an la turin a ngen a ni.