Champhai South Block Congress intawhkawm chu he biala Congress Candidate Pu Lal Thanhawla’n a hmanpui a, NLUP chu mamawh an awm chhung chuan an sem chhunzawm dawn a, NEDP hmangin kuthnathawktute an \anpui zel dawn tih a sawi.

0
287
views

Pu Lal Thanhawla chuan, NLUP leh NEDP hmanga \anpuina an pek chu midang tana malsawmna nihna kawng a ni tih an party chuan a hrechiang tih sawiin, hemi kawnga an hmalakna chu chunglam duh zawng a nih bawk avangin miretheite khaichhuak turin an sem chhunzawm zel dawn tih a sawi a, Mizoram enkawl turin Pathianin Congress party hi a buatsaih mek a ni, a ti.

Hrangturzo biala Congress Candidate, Pi Vanlalawmpuii Chawngthu Minister pawhin, Champhai South bial mipuite chu an vannei hle tih sawiin, bial dang zawng zawngin bialtu atana an duh leh CM bial nih chak ngawih ngawih bial tam tak zinga Champhai South-in an chang thei chu a lawmpui thu a sawi a. Thil tih theih loh tiam \hintute leh inthlan dawn chauhva ruhro politics khela ram tana martar-te rawn hmangaih thar \hinte politics chu mipuiten an thliar thiam a pawimawh hle a ni, a ti.