Champhai Zotlang Sports Stadium CM-in hawng

0
642
views

Cheng vbc. 22 chuang senga din, Champhai Zotlang Sports Stadium chu vawiin khan CM, Pu Lal Thanhawla’n a hawng a, he khelmual hi Urban Development Ministry sum, hmarchhak bial hmasawnna atana an budget zaa 10 an dah a\anga hmuh, cheng vbc. 22 leh nuai 38 senga din a ni. CM chuan, hmasawnna tehna rintlak bera sawi, state kum khat thawh chhuah a hlawk leh hlawk loh tehna, State Gross Domestic Product-ah Mizoram chu kum 2013 atanga 2016 chhunga za-a 8 aia sang ni ziah state 4 zinga mi a ni, a ti a. Hei hi NITI Aayog tarlan dan nia sawiin, ei leh in tur khawpkham hmu pha lo mihring tlemna ber state zingah pawh NITI Aayog bawkin Mizoram chu a dah niin a sawi. Zokhawthar-a ramri-a insumdawn tawnna a awm hnuah, Kawrpuichhuah-a insum dawn tawnna tur pawh bawhzui mek a ni a, Multi Modal kawngpui a tlang hunah phei chuan Mizoram chu Asia chhim chhak ramte nena insumdawn tawnna hmunpui a ni dawn niin a sawi bawk. Sports leh UD&PA Minister, Pu Zodintluanga pawhin Champhai \halai-ten khelmual \ha chu sorkarin an hnena chona thar a pek a ni tih an pawm a ngai niin a sawi a, hemi chhan l>t nan hian ram pum huap leh khawvel huapa infiamna khawvelah Mizoram \halaite hming a lan zel a duh thu a sawi. Champhai Sports Stadium chhungah hian Artificial turf phah, football khelmual siam a ni a, Mual hual chhuaka Intlansiakna, mi 3,500 \hut theihna, RCC Gallery, VIP Gallery – mi 100 a\anga 150 thleng \hut theihna, Boxing Hall, Players’ Room, motor 50 leh two wheeler 200 dah theihna siam a ni. Champhai Sports Stadium sak hna hi UD & PA enkawlna hnuaiah National Building Construction Corporation Limited-in an thawk a ni.