Chapchar Kut Organising Committee thu khawm

0
630
views

Vawiin khan Chapchar Kut Organising Committee chu an Chairman, CM, Pu Lal Thanhawla hovin an \hu khawm a, kumina Chapchar Kut hman dan tur an ngaihtuah a ni. CM chuan Chapchar Kut hi Mizo kutpui a nih angin, khualzin tam zawk hip thei tur leh, mipui mimir huapzo thei ang bera Kut hman a nih theih dan tur ruahman \ul a tih thu a sawi a, he \hutkhawmna-ah hian chanvo leh mawhphurhna sem aq ni a, programme hman dan tur kimchang duang tur, Sub-Committee chu Art and Culture Director kaihhruaina hnuaiah din a ni. Kumin Chapchar Kut hi ni hnih chhung – March ni 1 leh ni 2 ah hman tur a ni a. A ni hmasa zawkah hian Mizo infiamna lam hawi zawnga hman a ni ang a, a ni hnihna-ah zai, rimawi leh hnam lam chi hrang hrang a tam thei ang ber telh ni se tih a ni. Kut chhung hian mipui zingah Mizo hnam ziarang pho lang tam thei tur zawngin hnam thuam inbel uar tura inhrilh ni se an tih b^kah a remchan dan angin kut chhim tur leh a lawmnaa tel ve turin Zohnahthlak, state dang leh ram pawna chengte sawm ni se an ti bawk. Chapchar Kut hi Aizawl Lammualah hman leh tura ruahman a ni a. Kut Pa atan Myanmar Chin State Chief Minister, Salai Lian Luai chu sawm tum a ni a, Chapchar Kut Organising Committee Chairman, CM, Pu Lal Thanhawla chu Kut Thlengtu tura ruat a ni bawk. Kut pual hian painting and photo exhibition leh flower show-cum-exhibition bakah food court leh handloom exhibition buatsaih leh tum a ni a. Kut lawm chhung hian kut chhimtute tan vei vah a remchan zawk nan No-Vehicle Zone siam rel a ni bawk.