Chawlhhmun venga Aizawl Wset I Congress campaign information office chu he biala Congress official candidate, Pu PC Laltlansanga’n tukin khan a hawng.

0
266
views

 

Hawnna inkhawma thusawiin, Pu PC Laltlansanga chuan, an party mite chu hnehna an chan theih nana hma an laknaah midang rilru tina thei zawng emaw, mi pawi sawi thei ang zawng emawa hma la lo tur leh Pathian duhdan ang zela hma la \hin turin a chah a. Politician-te chu belhchian an dawl tur a ni tih sawiin, Pu PC Laltlansanga chuan, ram tana rawngbawl tura inpe an nih chuan eirukna chi hrang hrang lakah an fihlim tur a ni tih sawiin tih dik loh emaw, tihsual palh emaw an nei a nih pawhin ngaihdam an dil ang a, an thil tih dik lote an siam \ha leh tur a ni tih chu a ngaihdan a nih thu leh amah chu Pathian leh mipui zara MLA-a thlan a nih chuan dik taka rorel turin a intiam niin a sawi bawk. Pu PC Laltlansanga chuan, Congress MLA dinglai zingah eirukna leh kawng hrang hranga hminghliau an awm lova, sorkarin mipui tan a tak hna a thawh bawk avangin rorel lai Congress party chu sorkar leh turin an dinhmun a \ha hle nia sawiin, tuna a lan danah Mizoram mipuiten Congress party chu sorkar tir leh ngei an tum nia a lan thu a sawi.

He inkhawm hi Chawlhhmun Congress Unit President, Pu JC Vanlalhruaizela’n a kaihruai a ni.