Chief Minister chuan he centre hian Science leh Technology lama tui leh thiamna nei \halaite tan rahbi pawimawh tak a ni, a ti a. mi thawk tha lo karah taima taka thawkte avangin Mizoram sum leh pai dinhmun pawhin hma a sawn a, India ramah a \hang chak ber pali zingah Mizoram chu a tel a ni a ti.
Chief Scientific Officer Dr. R.K. Lallianthanga kaihhruai hawnna inkhawmah hian Finance Minister Pu Lalsawta pawhin thu a sawi a. He centre sakna leh a chhunga khawl leh hmanraw leina senso cheng nuai 386 hi National Council for Science Museums , Ministry of Culture in a tum vek a ni a. Kum thum chhung enkawlzuina tur a tum dawn bawk.
Innovation Hub hi High School leh Higher Secondary School zirlaite, Polytechnic, leh ITI zirlai ten khawl leh thil hrang hrang siam dan a taka an zir theih na tura duan a ni a. Space Education Centre hi zirlai leh a tlawhtu mipui ten van lam chanchin an zirna tur leh hriatna tizautu tura butsaih a ni thung.
