Armed Veng Community Centre hi chhawng thuma sak a ni a, lirthei dahna, conference hall, table tennis hall, taekwondo hall, basketball court leh committee room te a keng tel a ni. UD&PA Minister Pu Zodintluanga kaihhruai hawnna inkhawmah Chief Minister chuan, sorkarin \halaite khawvel atan theihtawp a chhuah a, thalaite hmasawnna turin hmunhma pawimawh a din chho zel a ni, a ti a. An tana sorkar hmalakna chu thalaiten an hman tangkai loh chuan awmzia a awm dawn lo tih sawiin thalaiten hman \angkai nachang an hriat a \ul a ni a ti a, infiamna khawvelah \halaiten Zofate an chawimawi mek a ni, a ti.
Thusawitu dang, Home Minister Pu R. Lalzirliana chuan Sorkarin ram hmasawnna turin theihtawp a chhuah a ni a ti a, Bialtu MLA, Finance Minister Pu Lasawta pawhin thu a sawi bawk. Armed Veng Community Centre hawnna inkhawmah hian Minister of State Pi Vanlalawmpuii Chawngthu, Dy. Speaker Pu R. Lalrinawma, MLA Pu Lalrobiaka, AMC Mayor Pu PC Lalhmingthanga leh sorkar mipawimawh dangte an tel a ni.
