Cheural khuaa Mizoram Baptist Kohhran kum thar lawmna ruai theh mi 150 velin ei sual

0
628
views

Cheural khuaa Mizoram Baptist Kohhranin Thawh\anni-a kum thar lawmna ruai an \hehah, mi 150 velin ruai an ei sual a, pum na, luak, khawsik leh kaw\halo-a an damloh avangin Sangau PHC-a Medical Officer, Dr.Diana Lianhlupuii leh Staff Nurse 4 ten tukin khan Cheural hi panin, damlote hi a huhovin Cheural khaw Community Hall-ah an enkawl mek. Damlo zinga \henkhat chu an chauh deuh tawh avangin thisen chaw khaia enkawl an ni a, Bualpui NG-a Staff Nurse pahnihin damlo enkawltute hi an \awiawm a, Lunglei Civil Hospital a\angin Medicine Specialist, Dr. Lalrochama leh thawktu dangte pawhin Cheural hi an pan mek a ni. Dr. Diana Lianhlupuii chuan damlote hi hri leng avanga na ni lovin, thil eisual, ‘food poisoning’ vanga damlo niin a sawi a, eng ber nge an ei sual tih hriat theih nan lak khawm ngai ang angte chu an la khawm niin a sawi bawk. Cheural BCM hian kum thar lawmna ruai atan vawksa leh arsa an buatsaih a, a eitu zinga a zatve vel lai an insawisel a ni. He vanduaina thleng avanga damlote hi Lai Autonomous District Council-a Executive Member, Pu C. Lallungmuana pawhin vawiin khan a tlawh a, LADC sorkar a\anga \anpuina awm theite pek theih dan zawnpui a tum thu a hrilh a ni.